 |
| روضة المنصوري |
بعد غياب طويل عن الإعلام وعن الساحة الفنية، حلّت الممثلة روضة المنصوري ضيفة اليوم في برنامج O'Star على ديوان أف أم وتحدّثت عن أسباب غيابها لسنوات وما تعرضت له من ظلم من طرف زملائها وقالت :
"ثمه حادثة ما نحبش نتفكرها في مسلسل #عاشق_السراب " وقتها مصححة عقد لدور البطولة الي هو دور " فاطمة "و المخرج الحبيب مسلماني اختارني و رئيس المدير العام للتلفزة الوطنية وقتها سمح لروحو باش يتدخل و ينحيوني من الدور و يعطيوه لسهير بن عمارة.. و يبدلو يعطيوني دور" شريفة".. انا ما عندي شي ضد سهير هي ممثلة باهية و جاتها اول فرصة في مسيرتها استغلتها و لتو كي نتقابلو نسلمو على بعضنا... أما غاضتني الفازة علللخر توجعت وصلت من تطاوين لتونس روحت ثنية كاملة نبكي.. و دخلت في حالة اكتئاب و مشيت للطبيب..
و قررت باش ما نخدمش في المسلسل اما كلموني وقتها مساعدي المخرج هشام العكرمي وسوسن الجمني و قالولي اخدم و اثبت روحك خير ملي تنسحب و يقولو رفضوها خاطر ما تعرفش تمثل.. وقتها صنعت من الضعف قوة و شرطت نخلص نفس المبلغ متاع دور البطولة ما كانش ما نخدمش (تصوير 10 ايام دور ثانوي مش كيما 60 يوم دور بطولة) و هوما قبلو و خدمت دور " شريفة" و شخصيا نرى روحي نجحت و اقنعت فيه كي تفرجت في روحي "
تعليقات
إرسال تعليق