بالفيديو / عمالقة التمثيل يجتمعون في مسلسل سامي الفهري الجديد "براءة"

أب يستغيث

تدخّل أب تونسي صباح اليوم الثلاثاء في برنامج "Le Mag" على إذاعة موزاييك وتحدّث بألم عن حادثة وفاة إبنه الرضيع في مستشفى المنستير بسبب خطأ من "القوابل" وهذه كافة التفاصيل : 

 

"مرتي الطبيب قاللها بش تولد بالعملية خاطر الbassin متاعها ضيق.. في شهرها التاسع مشات للسبيطار قتلي هام بش يدخلوني للعملية بش نولد مشيت انا نسمع و نشوف في حركة غريبة في السبيطار ما نسخايلش يحكيو على مرتي، جاتني ممرضة قتلي الله غالب ولدك مات و عطاتهولي قتلي ما تحلوش.. تصدمت ما لقيت ما نعمل قتلي المهم انقذنا مرتك.. أمها حبت تحل تشوفو تصدمنا كي شفنا رقبتو مضروبة ملفوفة بالفاصمة و ساقيه مضروبين..

 طلعت الحكاية انو القوابل قالولها هات نجربو نولدوك طبيعي و هي تصيح تقلهم الطبيب قلي لا بالعملية و هوما شدو صحيح قعدو يحاولو يولدوها الصغير راسو هبط ما حبش يخرج ياخي طلعوها للعملية كي حلولها كرشها لقاو الي العملية وقتها زايدة ما عادش تنجم تعمل شي في حالتها .. جبدو الطفل من راسو وصار الي صار.. مرتي توا في حالة نفسية صعيبة عللخر و انا بش نشكي بيهم و ناخو حق مرتي و ولدي".