نظرا للأسعار إلى بقت زفت وكل المنتجات الشخصيه ولعت نار
والشاورسبح بأسعار مرتفعات جدا هقولك اذاى تعملى الشاور في البيت بطريقه
سهله جدا
الخطوات :
طريقة 1
طريقة 1
هتجيبي صابونة اي نوع بتحبيه وتبشريها ناعم في حلة
وبعدين تحطي عليهم لتر ونص مية وحطيهم عالنار ووطي النار خالص وخلي ايدك
فيها بالمعلقة باستمرار واول ما الصابون المبشور يدوب في المية بتطفي النار
وتغطي الحلة وتسبيها للصبح طبعا هتصحي الصبح هتلاقي الشاور بقي تقيل اوي
هتجيبي مضرب كهربائي او مضرب سلك وتضربيه لمدة دقيقة تقريبا وبعدين تحطي
فيه اي نوع زيت عطر خام بتحبيه او زيت جونسون للاطفال طبعا ريحته تحفة لو
زيت زيتون هيكون احسن طبعا شويه جرسلين صغيرين وتكملي ضرب تاني وتفضيه في
اي علبة شاور عندك قديمة.
طريقة 2تبديل الصابونة تجيبوا صابونة نابولسى بالجلسرين او الزتون دى مافيهاش اى حاجة كميائية طبيعية 100 فالمية وتجيبى اى ريحة من العطار ورد خوخ فل اى روايح تحبيها لو عاوزاها ملونه هاتى الصابونة البيضة بس مش فاكرة اللى بالجلسرين ولا بالزتون هى اللى بيضة وتجيبى الوان اللى بتتحط على الاكل وتحطى نقطتين خفاف يغيروا لون الشاور ماتزوديش اوى علشان ماتلونيش شعرك وطبعا باقى الخطوات زى ماقولت بالظبط لو مافيش جلسرين استبدليه بماء ورد لشان الترطيب اهم حاجه ولو مافيش زيوت مش مهم بس هايبقى افضل ومش كتير معلقتين صغيرين.
تعليقات
إرسال تعليق